عدد الرسائل : 366 العمر : 41 الموقع : https://ezzooom.yoo7.com العمل/الترفيه : مدينه الجريح امام شارع الحزن والعذاب منزل الحرمان المزاج : الحزن تاريخ التسجيل : 08/11/2008
موضوع: انا مجرم ............. الأربعاء 10 ديسمبر 2008 - 17:50
انا عازم ومصمم .. وبحب بأصرار .. وبقدم قلبى أضحية
..وبخمس من دمه على كل جدار أنا عاشق مجنون .. مطعون وجراحه كتار
انا دوله مهزومه .. منكوبة حواليها حصار ..
انا بيت مسكون أشباح .. مفيهوش غير ضلمة .. غير خوف وصياح أنا عالم مفيهوش أنسان .. أنا كوكب مهجور مكتوبلة النسيان ..
أنا أدم على أرض .. من غير حوا أنا عايش بلا قوة ولا حول .. أنا صرخة مكتومة فى الصدر .. أنا عايش وأنا عارف أنا ميت مقتول بالغدر ..
أنا كلمة مش لاقية السطر ..أو سطر مش لاقى كلام أنا عقل خايف لينام.. وينام تحلاله الاحلام .. مايفوقش أنا صفحة مقطوعه.. ممنوعه من النشر
انا شجرة بتحاول تمشى .. لكن بجدورها ماتقدرش ..!! أنا سين مش لاقى جواب .. زنزانة من غير أبواب .. أناجثة من غير ما أموت .. وحياتى أشبة بتابوت .. أنا أرض من غير ما تنبت ..
أنا بيت جدرانه أتهدت .. أنا روح عاجزة ..حاسة .. باليأس .. أنا قلب وحيد .. حاسس بالنقص أنا كلى على بعضى مجرد أنسان .. موجود فى مكان مش بالأمكان ..يتحمل بشره ..
مولود فى مكان .. العالم فيه بمشاعر الحب كفروا اناكافر.. أنا كافر أنا ظالم فى عيون الغير .. انا شر فى دنيا ..معدومة الخير . طيب .. أزاى راح أكون أنا طيب ..وأنا عايش فى زمان يتعيب أنا مجرم .. والحب جريمتى والتهمة بحب بأصرار ومشاعرى سلاحى فى جريمتى .. أنا مذنب مع سبق الأصرار .. وبطالب بأشد عقوبة .. أنا مجرم ومصر فى أجرامى .. مش نادم ولا ناوى أرجع فى كلامى أنا مجرم؟